Учууталлар атырдьах ыйынаабы «атыыр» мунньахтарыгар өрөспүүбүлүкэ оскуолаларыгар саҥа бырайыак киирэн эрэр диэн иһитиннэрбиттэрэ. Ол курдук, «Муусукаҕа — бүттүүн» бырайыак быһыытынан, хас биирдии уөрэнээччи муусука үстүрүмүөнүгэр оонньуу үөрэниэхтээх диэн буолбута. Ол кэнниттэн CG Үөрэҕин уонна Култууратын министиэристибэлэрэ бу бырайыагы олоххо киллэриигэ сөбүлэн» түһэрсибиттэрэ.
Бырайыагы олоххо киллэриигэ кимнээх үлэлэһиэхтэрэй диир буоллахха, миниистир Андрей Борисов эппитин курдук, култуура улахан тэрилтэлэрэ, үөрэх кыһалара. Холобур, М.Жирков аатынан Муусука училищета, Д.К. Сивцев-Суорун Омоллоон аатынан Опера уонна балет тыйаатыра, А.С. Пушкин аатынан Нуучча драматическай тыйаатыра, АГИКИ, Саха сирин судаарыстыбаннай филармонията, «Саха сирин виртуозтара» ыскырыыпкаһыттар ансаамбыллара уонна – Муусука үрдүкү оскуолата.
Ааспыт нэдиэлэбэ министр эристибэ улахан мунньа5ар бастакы бэрэсидьиэн көмөлөһөөччүтэ В.Павлов, миниистир солбуйааччыта В.Левочкин, Муусука үрдүкү : оскуолатын дириэктэрэ И.Наумов бу тиэмэҕэ анаан кэлэн кытыннылар.
Сөбүлэhиннэрии чэрчитинэн билигин; улэ, саҥа саҕаланан эрэр. Үөрэх ресурсаларын киинин, Муусука үрдүкү оскуолатын, Муусука колледжын баҕаларыгар, АГИКИ институтун эбии үөрэхтээһинин киинигэр, орто үөрэхтээһин кыһаларыгар муусука учууталларын хос бэлэмнээһиҥҥэ анаммыт куурустар тэриллиэхтэрэ. Онно учууталлар Япония педагога уонна ыскырыыпкаһыта Шиничи Сузуки ньыматынан, Дмитрий Огородников систиэмэтинэн уорэниэхтэрэ. Ону кытта методическай хомуурунньуктар, босуобуйалар тахсыахтара диэн былаанныыллар. Үөрэх министиэристибэтэ «Муусукаҕа — бүтүүн» бырайыагы былаан быһыытынан олоххо киллэрэргэ бэлэм. Маныаха оскуолаҕа кылаас таһынан үлэ бириэмэтин нэдиэлэҕэ 3 чааска диэри улаатыннарыахтара, муусука кэбиниэттэрин үстүрүмүөнүнэн уонна анал литэрэтиирэнэн хааччыйыы соруга турар.
Мунньахха култуура уонна духуобунас миниистирэ Андрей Борисов ойуччу тутан, биһиэхэ атырдьах ыйыгар буолан ааспыт Муусука аан дойдутаавы I кэнгириэһин суолтатын бэлиэтээтэ. «Кэнгириэс бу бырайыак сайдыытын торумнаата, ис хоһоонун быһааран биэрдэ» диэтэ. «Билигин биһиэхэ симфоническай аркыастыр, Саха сирин филармонията, ыскырыыпкаһыттар ансаамбыллара баар. Бу Муусука урдуку оскуолата тустаах соругун толорон иһэрин чаҕылхай туоһута. Бугун биһиги «Муусуканы — буттуун» бырайыагы олоххо киллэрэбит. Бу улэ салгыыта буолар. Бугун бырайыак үөрэх бары тэрилтэлэрин таарыйар буолбутунан, үөрэх уонна култуура үлэһиттэрэ үүнэр көлүөнэ кэрэни өйдүүр, ылынар дьон буола улаатарыгар туох баар болҕомтобутун, сырабытын ууруохтаахпыт», — диэн бэлиэтээтэ.
А.Борисов «муусука үстүрүмүөнүгэр оонньуур, муусука түөрүйэтин билэр 050, уерэнээччи өй-санаа, духуобу-нас, сиэр-майгы өттүнэн бигэ туруктаах буола улаатыа» диэтэ. Оттон бу бырайыагы олоххо киллэрии муусука учууталын ыстаатыһын урдэтиэ, аныгы муусука педагогикатын чыпчаалын дабайарга көмөлөһүө.
Биллэн турар, ханнык баҕарар дьыаланы олоххо киллэрии үптэн-харчыттан тутулуктаах. Онон билигин соруктары быһаарар наада. Ол курдук, миниистир өрөспүүбүлүкэ муниципальнай тэрилтэлэрин кыттыһыннарар, муусука колледжын баҕатыгар педагогика кафедратын арыйтарар, Муусука оскуолатыгар «педагог» идэтин эбии арыйар соруктар туралларын билиһиннэрдэ.
Кэпсэтиигэ кыттыбыт дьон бырайыак информация өттүнэн ahaҕac буолуохтааҕын, олоххо киириитигэр уопсастыбаннаһы кыттыһыннарар туһунан санааларын эттилэр. Кинилэр биир дьайымтыалаах ньыма — тэлэбиидэнньэ — буоларын ыйдылар. Бугун Саха өрөспүүбүлүкэтин филармониятын тэхиниичэскэй отделын баҕатыгар өрөспүүбүлүкэҕэ муусука сайдыытын туһунан биэриилэри устар бөлөх тэрилиннэ. Биэрии Саха НКИХ-а алтынньы ыйтан саҕаланыа.
Онон «Myycyкaҕa — бүттүүн» бырайыак кураанах дойҕоххо кубулуйбакка, олоххо киирэн, кырачааннартан саҕалаан улахан кылаастарга диэри оболору хабан, кинилэри урдук култууралаах, билиилээх, кэрэни, сонуну өйдүүр дьон буолалларыгар олук үүрүө дии саныыбыт.