// 29 саастаах режиссер сүрүн болҕомтону тылга ууроҕа
Бу күһүн Саха академическай театрын кыллабынай режиссерунан Руслан Тараховскай ананна. Дьон-сэргэ кинини ордук Ромео оруолун толорбутунан (Бииргэ куоракка») билэр. Классическай стили тутуһар Тараховскай авангарднай көрүүлээх режиссер Сергей потаповы солбуйда диэххэ сөп. «ЭС» санга режиссер үлэтин хайдах саҕалаан эрэрин билсээри театрга бара сырытта.
— Руслан, эн эдэр киһигин. Кылаабынай режиссер быһытынан үлэҕин хайдах саҕалаатынг?
— Оҕоҕо аналлаах испэктээкилэри элбэтэр санаалаахпын. Хайа баҕар омукка тыл диэн тыын боппуруостартан биирдэстэрэ. Сүрүн бол5омтону артыыстар тылларыгар-өстөрүгэр ууруохпут. Оҕо төрөөбүт тылын билэ улаатарыгар, театр бэйэтин кылаатын эмиэ киллэрэрэ буоллар.
— Кэлэр сылга үлэҕэр туох былааннаххын?
— Өксөкүлээх Өлөксөй «Ойуун түүлэ» улуу поэматын туруорар санаалаахпыт. Итини анны саас көрүөххүт. Оттон сайын (театральнай сезон бүтүүтэ) Андрей Саввичтыын, драматург василий Харысхаллыын ССРС народнай учуутала Михаил Андреевич Алексеев олоҕун туһунан испэктээкэли туруоруохпут. Билигин Баһылай Харысхал Москва, Новосибирскай, архивтарыгар үлэлии сылдьар. Кини михаил Алексеев олоҕун туһунан элбэҕи билэн пьесаны суруйоҕа. Итинэн Учуутал сылыгар анаммыт үлэбитин түмүктүөхпүт.
— Руслан, үлэҕэр ситиһиилэри баҕарабыт. Саха театра дьону-сэргэни, ыччаты элбэх туруоруларынан үөрдэ, кэрэхсэтэ турдун!
Досье:
Тараховскай Руслан Игоревич
1980 с. Дьокуускай куоракка төрөбүтэ
1998 сыллаахха үөһээ Бүлүүтээҕи М.А. Алексеев аатынан республикатааҕы гимназияны бүтэрбитэ
2002 сыллаахха Москваҕа Щепкин аатынан театральнай училищеҕа артыыс идэтин ылар
2006 сыллаахха АГИИК-ка үөрэнэн режиссер идэтин баһылыыр
2007 с. «Кэрэ көмүскэлигэр» испэктээкилэ театральнай фестивальга бастынг туруоруунан биллибитэ
2010 сыл алтынньы ыйтан – Саха театрын кылаабынай режиссера