Россия народнай художнига, СР П. А. Ойуунускай аатынан государственнай бириэмийэтин лауреата Афанасий Петрович Мунхалов төрөөбүтэ 65 сааһын туоларынан, Кондрагмет саалатыгар киин куоракка барар Чурапчы улууһун күннэригэр сөп түбэһиннэрэн персональнай быыстапката аһылынна. Элбэх ахсааннаах художник талааныгар сүгүрүйээччилэр кэлэн эҕэрдэ истиҥ, үтүө тылларын эттилэр, художник аан бастаан норуокка киэҥник биллибит үлэлэриттэн («Аан дойдуну истэбит» линогравюра, «Саха сиригэр гражданскай сэрии» диэн серия) саҕалаан кэнники кэмнээҕи айымньыларын кытта билистилэр. А. П. Мунхалов айымньылара үйэлэр кирбиилэригэр классика эрэ быһыытынан буолбакка, художник айар күүһүн үгэнигэр сылдьарын туоһулууллар.
